हाम्रो मौलिक सँस्कृतिलाई युवा पुस्तामा हस्तान्तरण गर्नुपर्छ ; उपकुलपति डा. जगमान गुरुङ

त्यसकारण जसले मानिसलाई जन्म जन्मान्तरको पापबाट पार गराउँदछ, त्यो तीर्थ हो। भौमतीर्थ, जङ्गमतीर्थ र मानसतीर्थ गरी तीन प्रकारका तीर्थ छन् । अवतार पुरुषहरूको जन्मभूमि एवम् लीलाभूमि, पवित्र नदी, जलाशय र पर्वतहरू भौमतीर्थ हुन् ।

सात्त्विक सिद्ध साधक र ऋषि तथा सन्तहरू जङ्गमतीर्थ हुन् । जङ्गमतीर्थ स्वरूप साधु सन्तहरूसंगको सत्सङ्ग, उहाँहरूको आशिर्वचन र भौमतीर्थहरूको तीर्थाटनबाट मनलाई परिशुद्ध गर्नु मानसतीर्थ हो ।

यस अर्थले इन्द्रियहरूको विषय भोग गर्ने आसक्तिलाई त्यागेर आत्म चिन्तन गरी ब्रह्मज्ञान प्राप्त गर्नुभएका आबाल ब्रह्मचारी षडानन्द अधिकारी जङ्गमतीर्थ हुनुहुन्छ । यसैगरी उहाँको जन्मभूमि भोजपुरको दिङ्ला र उहाँले साधना गरेका लीलाभूमिहरू पवित्र भौमतीर्थ हुन् ।