क्यानाडा टुरमा रहेको नेपाली राष्ट्रिय क्रिकेट टोलीले आज घरेलु टोली क्यानाडासँग एकदिवसिय खेल खेल्दैछ । स्कटल्यान्ड जानुअघि दुई ओडिआई खेल्ने तालिका अनुसार नेपालले आज क्यानाडाविरुद्ध पहिलो खेल खेल्न लागेको हो ।
क्यानाडा भ्रमणमा रहेको नेपालले स्थानीय क्लब ओन्टारियोसँग एक एकदिवसिय र एक टी२० खेल खेलिसकेको छ । दुवै खेलमा जित निकालेको नेपाल क्यानाडासँग पनि जितको श्रृखङ्लालाई निरन्तरता दिन चाहन्छ ।
आजको पहिलो खेल पश्चात्त नेपाल र क्यानाडाबीचको दोस्रो खेल भोलि हुनेछ । आइसिसी विश्व क्रिकेट लिग २ अन्तर्गत नेपाल, स्कटल्यान्ड र नामिबियाबीच त्रिकोणात्मक ओडिआई सिरिज जुलाई १६ बाट स्कटल्यान्डमा सुरू हुँदैछ ।
सिरिजको पहिलो खेल नेपाल र नामिबियाबीच हुनेछ ।
यो खबर पढेर तपाईलाई कस्तो महसुस भयो ?