गगनको प्रस्तावकमा शेखर, समर्थकमा धनराज र विश्वप्रकाश

काठमाडौं : नेपाली कांग्रेसको संसदीय दलको नेताका महामन्त्री गगन थापाको उम्मेदवारी दर्ता  मनोनयन पत्र तयार भइसकेको छ।

थापाको उम्मेदवारीमा डा शेखर कोइराला प्रस्तावक छन्। यस्तै, उपसभापति धनराज गुरुङ र अर्का महामन्त्री विश्वप्रकाश शर्मा समर्थक छन्।

कांग्रेस संसदीय दलको निर्वाचन समितिले संसदीय दलको उम्मेदवारी दर्ताको समय मंगलबार दिउँसो २ बजेका लागि तय गरेको छ।

उम्मेदवारी दर्ताका लागि थापाको मनोनयन पत्र तयार भएपनि काठमाडौं क्षेत्र नम्बर ५ का सांसद् रहेका प्रदीप पौडेलको प्रतिक्षामा सबैजना रहेको इतर पक्षका एक नेताले जानकारी दिए।

ती नेताका अनुसार पौडेलले भने आफू नेता कृष्णप्रसाद सिटौलासँग छलफलमा रहेको जानकारी दिएका छन्।