दमौली : तनहुँको व्यास नगरपालिका-१ भादगाउँ स्थित आदिकवि भानुभक्त क्याम्पसमा आगामी चैत ५ गते हुने स्वतन्त्र विद्यार्थी युनियनको निर्वाचनका लागि १ हजार ८ सय ७५ मतदाताको नामावली सार्वजनिक गरेको छ ।
क्याम्पसको स्ववियु निर्वाचन प्रबन्ध समितिले आइतवार १ हजार ८ सय ७५ मतदाताको नामावली सार्वजनिक गरेको हो।
यसअघि चुनावमा भाग लिने एक स्वतन्त्र विद्यार्थी समुह सहित ७ वाट संगठन दर्ता भएको निर्वाचन प्रबन्ध समितिका संयोजक विजय खनालले जानकारी दिए।
आज प्रकाशित हुने मतदाताको सूचीमा फागुन २५ गते दाबी विरोध गर्ने समय तोकिएको छ।
फागुन २६ गते उम्मेदवारको मनोनयनपत्र वितरण गर्ने कार्यतालिका छ। फागुन २७ गते बिहान ११ बजेदेखि दिउँसो २ बजेसम्म समानुपातिक तथा प्रत्यक्षतर्फको उम्मेदवारी दर्ताको समय तोकिएको छ।
फागुन २८ गते बिहान ११ बजेदेखि दिउँसो २ बजेसम्म उम्मेदवारको नामावलीमाथि दाबी–विरोध र फागुन २८ गते साँझ ५ बजे उम्मेदवारको अन्तिम नामावली प्रकाशन गर्ने तालिका छ। चैत ५ गते बिहान ८ बजेदेखि दिउँसो ४ बजेसम्म मतदानको समय निर्धारण गरिएको छ।
यो खबर पढेर तपाईलाई कस्तो महसुस भयो ?