उपराष्ट्रपति निर्वाचन : नमूना मतपत्र सार्वजनिक

काठमाडौँ : निर्वाचन आयोगले उपराष्ट्रपति निर्वाचनका लागि नमूना मतपत्र सार्वजनिक गरेको छ । चैत ३ गते हुने उपराष्ट्रपति निर्वाचनको लागि आयोगले मङ्गलवार उम्मेदवारको फोटोसहितको मतपत्रको नमूना सार्वजनिक गरेको हो।

नेकपा (एमाले)का उपाध्यक्ष अष्टलक्ष्मी शाक्य, जनता समाजवाद पार्टीका नेता रामसहायप्रसाद यादव र प्रमीला कुमारी र जनमत पार्टीका ममता झा उपराष्ट्रपतिका उम्मेदवार छन् ।

यादवलाई नेकपा (माओवादी केन्द्र) नेपाली कांग्रेस नेकपा (एकीकृत समाजवादी) लगायतका सत्तारुढ गठबन्धनको समर्थन रहेको छ भने शाक्यलाई भने एमालेबाहेक अहिलेसम्म कसले समर्थन गर्छ भन्ने खुलेको छैन ।

प्रमीला कुमारीले उम्मेदवारी फिर्ता लिने समयमा फिर्ता नलिएका कारण उनको नाम र फोटो पनि मतपत्रमा समेटिएको छ । यद्यपि उनले यादवलाई समर्थन गरेको घोषणा गरिसकेकी छन् ।

झालाई जनमत पार्टीसहित नागरिक उन्मुक्ति पार्टी (नाउपा) र लोकतान्त्रिक समाजवादी पार्टी (लोसपा)ले समर्थन गरेको छ ।

संघीय संसद्का सदस्यका लागि मतपत्र

प्रदेश सभा सदस्यका लागि मतपत्र

यो खबर पढेर तपाईलाई कस्तो महसुस भयो ?