नेपाल र ओमानले आज कीर्तिपुरमा अभ्यास खेल खेल्दै

काठमाण्डाै – नेपाल र ओमानले आज एकदिवसीय अभ्यास खेल खेल्दैछन् । खेल बिहान साढे ९ बजेदेखि कीर्तिपुर मैदानमा सुरु हुँदैछ ।

एसीसी प्रिमियर कप अघि नेपालले ओमानसँग अभ्यास खेल  खेल्न लागेको हो । यो अभ्यास खेल भएकाले अन्तर्राष्ट्रिय मान्यता पाउने छैन । नेपालको कप्तानी रोहित पौडेल र ओमानको जिशान मकसुदले गर्दैछन् । अभ्यास खेलपछि नेपालले अन्तिम टोली घोषणा गर्नेछ ।

आईसीसी विश्व कप क्रिकेट लिग–२ मा ओमान दोस्रो र नेपाल तेस्रो स्थानमा रहँदै विश्व कप छनोटमा पुगेका थिए । एसीसी प्रिमियर कप मङ्गलवार वैशाख ५ देखि १८ गतेसम्म कीर्तिपुर र मूलपानी मैदानमा हुँदैछ । समूह ‘ए’ मा नेपाल, ओमान, कतार, मलेसिया र साउदी अरब रहेका छन् भने समूह ‘बी’ मा यूएई, हङकङ, कुवेत, सिङ्गापुर र बहराइन छन् ।

यो खबर पढेर तपाईलाई कस्तो महसुस भयो ?