दमौली : तनहुँको व्यास नगरपालिका प्रमुखको उम्मेदवार बन्न आकांक्षा राख्दै १५ जनाले नेपाली कांग्रेसको जिल्ला पार्टी कार्यालयमा निवेदन दिएका छन् । ३० वैशाखमा हुने स्थानीय चुनावका लागि व्यासको मेयर चयनका लागि कांग्रेसले निवेदन माग गरेको थियो ।
मेयर पदमा आकांक्षा राख्दै निवेदन दिनेमा हालका मेयर बैकुण्ठ न्यौपाने, जिल्ला समन्वय समिति प्रमुख शान्तिरमण वाग्ले, रघुनाथ पौडेल, देवकुमार श्रेष्ठ, लक्ष्मीभक्त खनाल, विश्व बाँस्तोला, अशोककुमार श्रेष्ठ, समुन्द्र गोदार, डम्बरबहादुर अधिकारी,डा . शेषरमण न्यौपाने, हरिदत्त पौडेल, शंकर पौडेल, विद्या खनाल, वृषराज श्रेष्ठ र दीपकराज जोशी छन् ।
व्यासमा अघिल्लो स्थानीय चुनावमा पनि प्रमुख र उपप्रमुख दुवै पदमा नेपाली कांग्रेसले नै जितेको थियो । कांग्रेसका उम्मेदवार बैकुण्ठ न्यौपानेले नेकपा एमालेका उम्मेदवार शंकरनायण श्रेष्ठलाई करिब ४ हजार मतान्तरले विजयी हासिल गरेका थिए ।
त्यस्तै उपप्रमुखमा कांग्रेसकै मिरा जोशीले नेकपा माओवादी केन्द्रकी उम्मेदवार अतिन्द्रकेशरी न्यौपानेलाई करिब १० हजार बढी मतान्तरले पराजित गरेकी थिइन् ।
‘
यो खबर पढेर तपाईलाई कस्तो महसुस भयो ?