आजदेखि तनहुँमा राप्रपाको घरदैलो अभियान सुरु

दमाैली : राष्ट्रिय प्रजातन्त्र पार्टी (राप्रपा)ले स्थानीय तह निर्वाचनलाई लक्षित गरी आज सोमबारदेखि तनहुँमा घरदैलो अभियान सुरु गरेको छ । जिल्ला सदरमुकाम दमौली बजार परिक्रम गरेर अभियान शुभारम्भ गरिको राप्रपा तनहुँका अध्यक्ष विनोद घर्तीले जानकारी दिए ।

राप्रपाले निर्वाचन केन्द्रित अभियानमा जनजागरणका लागि आफ्नो टोलमा पुगौ भन्ने नारा तय गरेको छ । चुनावलक्षित कार्यक्रम सञ्चालन गर्न, जिल्ला कार्यसमितिको बैठक गराउन, जिल्लाको संगठनात्मक अवस्था, उम्मेदवार छनौट एवं विभिन्न अभियान सञ्चालनका लागि केन्द्रीय प्रतिनिधि खटाइएको छ ।

यस अभियानका लागि तनहुँमा केन्द्रीय प्रचार विभाग प्रमुख मोहन श्रेष्ठ र दिनेश कार्की खटिएका छन् ।