दमौली : देवघाट गाउँपालिकाको अध्यक्षमा गठबन्धनका उम्मेदवारले विजय गरेका छन् । गाउँपालिकाको अध्यक्षमा नेपाली काङ्ग्रेसका तिलबहादुर थापा र उपाध्यक्षमा नेकपा (माओवादी) केन्द्रका भुवनसिं गुरुङ उम्मेदवार विजयी भएका हुन् ।
अध्यक्षमा काङ्ग्रेसका थापा ४ हजार३ सय ६ मत प्राप्त गरी विजयी भए भने प्रतिस्पर्धी नेकपा (एमाले) का दुर्गबहादुर थापाले ३ हजार ४ सय ८३ मत प्राप्त गरे ।
उपाध्यक्षमा नेकपा (माओवादी) केन्द्रका भुवनसिं गुरुङ ३ हजार ७ सय २१ मत प्राप्त गरी विजयी भए भने उनका प्रतिस्पर्धी नेकपा (एमाले) का सावित्री न्यौपानेले ३ हजार ४ सय ६७ मत प्राप्त गरे ।
कूल १२ हजार आठ सय १५ मतदातामध्ये गाउँपालिकामा आठ हजार छ सय ४७ मत खसेको थियो ।
यो खबर पढेर तपाईलाई कस्तो महसुस भयो ?