खोलाले बगाएर एक जना बालिकाको मृत्यु

दमाैली : तनहुँको भानु नगरपालिका–७ चन्द्रावतीमा खोलाले बगाएर एक बालिकाको मृत्यु भएको छ । मृत्यु हुनेमा १८ महिनाकी काव्य श्रेष्ठ रहेको जिल्ला प्रहरी कार्यालय तनहुँका प्रहरी निरीक्षक राजकुमार विकले जानकारी दिए।

घरबाट हराएपछि आफन्तजन र स्थानीयवासीले खोजतलास गर्ने क्रममा चुँदीखोलाले बगाएको अवस्थामा बालिका फेला परेकी थिइन् ।

घरभन्दा पाँच सय मिटर तल अचेत अवस्थामा भेटिएकी बालिकाको उपचारका क्रममा अस्पतालमा मृत्यु भएको  प्रहरी निरीक्षक विकले जानकारी दिए। बालिकालाई तत्कालै उपचारका लागि पुरनडिही अस्पताल पु¥याइएको थियो ।

बालिकालाई गएराति ८ बजे दमौली अस्पतालमा चिकित्सकले मृत घोषणा गरेका थिए ।