तनहुँको व्यास नगरपालिका वडा ५ का वडाध्यक्ष विष्णुकुमार श्रेष्ठ (हिमाल) ले पालिकाबाट दिएको सरकारी मोटरसाइकल फिर्ता गरेका छन् ।
वडा कार्यालयको कामकाजका लागि भनी व्यास नगर पालिकाबाट लिएको ग १ ब ८१६ नम्बरको मोटरसाइकल उनले सोमबार नगरपालिकाको कार्यालयमा बुझाएका हुन् ।वडाध्यक्ष श्रेष्ठले उक्त सरकारी नम्बर प्लेटको मोटरसाइकल प्रमुख प्रशासकीय अधिकृत डिल्लीराम सिग्देलको रोहबरमा नगरपालिकालाई बुझाएका थिए । उनले भने, ‘मोटरसाइकल लिएमा सेवा सुविधाबाट रकम कट्ने देखियो । आफ्नो बाइक छँदैछ भनेर सरकारी बाइक फिर्ता गरिदिएँ ।’
प्रमुख प्रशासकीय अधिकृत सिग्देलले यसरी सेवा सुबिधा सबैले फिर्ता गर्दा नगरपालिकाको भार कम हुने बताए । यस अघि उक्त मोटरसाइकल निर्वातमान वडाअध्यक्ष मोहनकुमार श्रेष्ठले प्रयोग गर्दै आएका थिए ।
यो खबर पढेर तपाईलाई कस्तो महसुस भयो ?