बाख्रालाई ठक्कर दिएपछि सिसडोलवासीले रोके फोहोर बोकेको ट्रक

काठमाडौं :  शनिबारदेखि उठ्न थालेको काठमाडौं उपत्यकाको फोहर फेरि रोकिएको छ । फोहर बोकेर बन्चरेडाँडा लादै गर्दा टिपरले हानेर बाख्रा मरेपपछि कागती गाउँका बासिन्दाले क्षतिपूर्ति माग गरेर बाटो बन्द गरेपछि फोहरका गाडी रोकिएका हुन् ।

स्थानीयवासीहरुले बाख्राको क्षतिपूर्ति माग गरेका छन् । एक महिना भन्दा बढी समयदेखि राम्ररी फोहोर व्यवस्थापन हुन नसक्दा काठमाडौंका घरघरमा र सार्वजनिक स्थलमा फोहोर थुप्रिएको छ ।

सिसडोलमा रातिको समयमा फोहोर बोकेको ट्रक तोडफोड भएपछि काठमाडौं महानगरपालिकाले आइतबारदेखि प्रहरीको सुरक्षामा फोहोरका गाडी बञ्चरेडाँडातर्फ लैजान थालेको थियो । तर फोहोर लैजान थालेकै दिन स्थानीयले बाख्रा मरेको नयाँ बहानामा फोहोर रोकेका हुन् ।