नारायणगढ–मुग्लिङ सडक खण्ड फेरि अवरुद्ध,पहिरो हटाउने काम हुँदै

नारायणगढ–मुग्लिन सडकखण्डमा फेरि पहिरो खस्दा सडक अवरुद्ध भएको छ ।

गएराति १० बजे यो सडक खण्ड अन्तर्गतको चितवनको सेती दोभानमा ठूलो पहिरो खस्दा सडक बन्द भएको हो।

पहिरो खसेसँगै दुईतर्फी सडक अवरुद्ध भएको जिल्ला प्रहरी कार्यालय चितवनले जनाएको छ ।पहिरो हटाउन डोजरको  सहायताले पन्छाउने काम भइरहेको र पानी परिरहेकाले सडकमाथिबाट लेदो माटोसहितको पहिरो खसिरहेकोले  केही समय लाग्ने कार्यालयले जनाएको छ ।

यस्तै, मुग्लिङ-नारायणगढ सडक खण्डका अन्य केही ठाउँमा पनि स–साना पहिरो गएको छ । ती ठाउँमा खसेको पहिरो भने हटाइएको प्रहरीले जनाएको छ ।

यो खबर पढेर तपाईलाई कस्तो महसुस भयो ?