अध्यादेश हिजो पनि गलत, आज पनि गलत : प्रदीप पौडेल

काठमाडौं : नेपाली कांग्रेसका युवा नेता प्रदीप पौडेल पनि अध्यादेशको कडा विरोध गरेका छन् । पौडेलले अध्यादेश हिजो पनि गलत भएको र आज पनि गलत भएको टिप्पणी गरेका छन् ।

सामाजिक सञ्जाल ट्वीटरमार्फत पौडेलले पुरानै चलन, हिजोकै प्रवृत्ति रहिरहने हो भने फरकपनको कसरी आभास हुन्छ भनि प्रश्न गरेका छन् ।

उनले भनेका छन् : ‘अध्यादेश हिजो पनि गलत थियो, आज पनि । पुरानै चलन, हिजोकै प्रवृत्ति रहिरहने हो भने फरकपनको आभास कसरी हुन्छ ?’, पौडेलले लेखेका छन्, ‘सबै विषयहरूको उचित हल हतारोमा अध्यादेश मार्फत् होईन, नव निर्वाचित संसद मार्फत् खोजौं ।’