दमौली : लियो क्लव अफ तनहुँले ऋषिङ गाउँपालिका -१ झापुटार स्थित शुक्ला मा. वि मा अध्ययनरत विद्यार्थीहरुलाई नि:शुल्क सेनिटरी प्याड वितरण गरिएको छ।
११४औं अन्तर्राष्ट्रिय महिला दिवसको अवसरमा विहिवार उनीहरुलाई महिला स्वास्थ्य सम्बन्धी जानकारी पनि दिइएको क्लवका अध्यक्ष वसन्ती थापा मगरले जानकारी दिइन।
प्याडको प्रयोग गर्नुका फाइदा र महिनावारीमा आइपर्ने समस्याबाट कसरी जोगिन सकिन्छ भन्ने बारेमा दमौली अस्पतालकी नर्सिङ इन्चार्ज मोनिका परियार जानकारी दिइन् ।
उनले किशोरावस्थामा महिनावारीमा उचित सरसफाई नभएकै कारण महिलाहरुमा पाठेघर सम्बन्धी समस्या समयभन्दा पहिले नै देखिने गरेको उनले बताइन् ।
तीन सयभन्दा धेरै विद्यार्थीहरु कार्यक्रममा सहभागी रहेको सचिव मुकेश विडारीले जानकारी दिए।
कार्यक्रममा ऋषिङ-१ का वडाध्यक्ष कुश वहादुर थापा, लायन्स क्लब अन्तर्राष्ट्रिय ३२५ एल नेपालका चिफ प्रो सुरेन्द्र पौडेल , रिजन यफ का कोर्डिनेटर कृष्णहरि गैहे लगायतको उपस्थित रहेको थियो ।
यो खबर पढेर तपाईलाई कस्तो महसुस भयो ?