
७३ औं अन्तर्रास्ट्रिय मानव अधिकार दिवसको पूर्व सन्ध्यामा तनहुँको दमौलीमा दीप प्रज्वलन गरिएको छ। नेपाल मानव अधिकार संगठन जिल्ला शाखा आयोजनामा बिहिबार साँझ दीप प्रज्वलन गरिएको हो ।
“जीवन मर्यादा, समानता र स्वतन्त्रको अधिकार : दिगो ,शान्ति र समृद्धिको मूल आधार” भन्ने मूल नाराको साथ मानव अधिकार दिवसको पूर्व सन्ध्यामा कार्यक्रम आयोजना गरेको नेपाल मानव अधिकार संगठन जिल्ला शाखाका सचिव जनक काप्लेले जानकारी दिए ।
उक्त कार्यक्रममा संगठन जिल्ला शाखा तनहुँका अध्यक्ष राजेन्द्रप्रसाद खनाल, शाखा तनहुँका उपाध्यक्ष सरिता थापा भण्डारी , सचिव जनक काप्ले , अन्य पदाधिकारी र आदिकवि भानुभक्त क्याम्पसका शहिद चन्द्रनेपाली छात्रावासका बिद्यार्थी, मानव अधिकारकर्मी लगायतको उपस्थिति रहेको थियो ।
यो खबर पढेर तपाईलाई कस्तो महसुस भयो ?