करिब ८ अंकले बढ्यो नेप्से

शुक्रबार जम्मा दुई घण्टा बजार खुल्दा कारोबार रकम एक अर्ब ४५ करोड ६२ लाख ५९ हजार रुपैयाँ कामय भएको छ। आज २३१ किसिमका धितोपत्र तथा ऋणपत्रको कुल ४० लाख ५१ हजार ७७१ कित्ता सेयर किनबेच भएको छ।

कारोबार भएका धितोपत्र तथा ऋणपत्रमध्ये ११२ वटाको मूल्य बढेको छ भने ११० वटाको मूल्य घटेको छ। आज ग्रीनलाइफ हाइड्रोपावर लिमिटेको सबैभन्दा धेरै ५.३१ प्रतिशतले मूल्य घटेको हो।

आज कारोबारमा आएका १३ उपसमूहहरूमध्ये पाँच वटाको मूल्य बढेको छ भने बाँकी आठ वटाको मूल्य घटेको छ। सबैभन्दा धेरै  माइक्रोफाइनान्सको १.५७ प्रतिशत, म्युचल फन्डको १.४९ प्रतिशत र बैंकिङको १.३८ प्रतिशतले बढेको हो। त्यसैगरी, आज अन्यको सबैभन्दा धेरै १.६८ प्रतिशतले मूल्य घटेको हो।

कारोबार रकमको आधारमा आज सबैभन्दा धेरै अपर तामाकोशी हाइड्रोपावरको १९ करोड ७२ लाख ५४ हजार रुपैयाँको सेयर कारोबार भएको छ।