भानु : नेपाली कांग्रेसका वरिष्ठ नेता एवं तनहुँ क्षेत्र नम्बर १ बाट प्रतिनिधिसभा सदस्यका उम्मेदवार रामचन्द्र पौडेलले गाउँमै बसौं-बसौं लाग्ने वातावरण बनाउने बताएका छन् ।
भानु नगरपालिका-१ स्थित भन्सारमा शुक्रबार गठबन्धन द्वारा आयोजित निर्वाचन विशेष कार्यक्रमलाई सम्बोधन गर्दै नेता पौडेलले गाउँमै बसौं-बसौं लाग्ने बनाउने आफ्नो इच्छा अहिलेसम्म पूरा हुन नसकेको बताएका हुन् ।
‘हाम्रा गाउँहरू रित्तिइरहेका छन्। हामीले हरेक गाउँमा मोटर, बिजुली, खानेपानी पुर्यायौं त्यहाँ स्कुल र स्वास्थ्य चौकी बनायौं। गाउँमा विस्तारै सबै सुविधा पुगेका छन् तर जनशक्ति पलायन रोकिएको छैन,’ उनले भने ।
अहिलेको समस्या र चुनौती भनेको कसरी गाउँमा बस्ने वातावरण बनाउने बताउदै गत निर्वाचनमा जनतामा भ्रम फैलिएका कारण आफूले चुनाव हारेको भन्दै पौडेलले यसपटक जनताले मूल्यांकन गर्ने विश्वास व्यक्त गरे ।
उनले चुँदीरम्घास्थित आदिकवि भानुभक्त जन्मस्थल विकास समितिमा साहित्यिक केन्द्र बनाउने घोषणा गरेका छन् ।
यो खबर पढेर तपाईलाई कस्तो महसुस भयो ?