तनहुँको मालपोत कार्यालय एक साताका लागि बन्द

दमौली : तनहुँ  जिल्लाको मालपोत कार्यालय एक साताका लागि बन्द हुने भएको छ ।

केही कर्मचारीलाई अमिक्रोन भाइरसको लक्षण देखिन थालेपछि यही  माघ १६ गते देखि २१ गतेसम्मका लागि कार्यालय बन्द गरिएको हो । कार्यालयले एक सूचना जारी गर्दै सबै सेवाहरू बन्द रहने  मालपोत कार्यालय तनहुँका प्रमुख चिरञ्जीवी पौडेलले  जानकारी दिएका छन्  ।

कार्यालयबाट नियमित प्रदान गर्ने लिखित पारित , रोक्का फुकुवा , नामसारी ,दाखिल खारेज , संशोधन सम्बन्धी  सबै सेवा  बन्द गरिएको मालपोत कार्यालय तनहुँले जनाएको छ ।