तनहुँमा बढ्न थाल्यो कोरोना संक्रमण, थप ९४ संक्रमित

तनहुँमा  कोरोना संक्रमितको संख्या  फेरि बढेको छ ।

गण्डकी प्रदेश स्वास्थ्य निर्देशनालयका अनुसार विभिन्न प्रयोगशालामा परीक्षण गर्दा तनहुँमा ४८ जना पुरुष र ४६ जना महिला गरि ९४ जना संक्रमित  थपिएको  जनाएको छ।

योसंगै तनहुँमा कोरोना सङ्क्रमितको सङ्ख्या ४ हजार ५ सय  ३९ जना पुगेको छ। जस्मा ३ हजार ९ सय ६८  निको भैसकेका छन्  भने सक्रिय संक्रमितको सङ्ख्या ४ सय ७० जना  रहेको छ।

यस्तै गएको २४ घण्टामा तनहुँमा थप १ जनाको मृत्यु भएको छ । मृत्यु हुनेमा शुक्लागण्डकी नगरपालिका ६ का ४१ वर्षीया पुरुष गण्डकी मेडिकल कलेज पोखरामा उपचारका क्रममा मृत्यु भएको जनाएको छ ।

योसँगै तनहुँमा कोरोनाका कारण मृत्यु हुनेको सङ्ख्या एक सय १ पुगेको छ ।