तेस्रो व्यास युवा कप फुटबल प्रतियोगिता असोज ३ गते देखि हुने

दमाैली : तनहुँको दमौलीमा तेस्रो व्यास युवा कप फुटबल प्रतियोगिता असोज ३ गतेदेखि हुने भएको छ । व्यास नगरपालिका–४ स्थित व्यास  युवा क्लवले  ९ ए साइड फुटबल प्रतियोगिता आयोजना गर्न लागेको हो ।

व्यास –३ स्थित विपी वनवाटिका खेलमैदानमा असोज ३ गतेदेखि प्रतियोगिता सञ्चालन गर्न लागिएको शनिवार आयोजित पत्रकार सम्मेलनमा क्लबका अध्यक्ष मिनबहादुर गुरुङले जानकारी दिए।

प्रतियोगितामा विजेताले नगद एक लाख ११ हजार  एक सय ११ र उपविजेताले ५५ हजार एक सय ११ पुरस्कार प्राप्त गर्नेछन् । त्यस्तै उत्कृष्ट खेलाडीलाई रु पाँच हजार पाँच सय, उत्कृष्ट गोलरक्षकलाई रु  पाँच हजार पाँच सय र सर्वाधिक गोलकर्तालाई रु पाँच  हजार पाँच सय पुरस्कार प्रदान गरिने क्लवले जनाएको छ ।

क्लवका अनुसार प्रतियोगिताका लागि  ३५ टिमले टिम दर्ता गरिसकेको छ । प्रतियोगितामा तनहुँका अतिरिक्त लम्जुंग ,गोरखा लगायतका ठाउँबाट क्लवहरुले दर्ता गराइसकेको जनाएको छ ।

प्रतियोगिता सम्पन्न गर्नका लागि ३५ उपसमिति र सल्लाहकार समिति गठन गरिएको छ ।