दमौली : प्रतिनिधिसभा र प्रदेशसभा सदस्य निर्वाचनमा तनहुँमा ५४ प्रतिशत मत खसेको छ ।
जिल्लाका ३ सय ५ वटै मतदान केन्द्रमा शान्तिपूर्ण रुपमा मतदान सम्पन्न भएको हो । मतदानका लागि तोकिएको साँझ ५ बजेसम्मको अवधिमा सबै मतदान केन्द्रहरूमा मतदान सकिएको छ ।
एक प्रतिनिधिसभा र दुई प्रदेशसभा निर्वाचन क्षेत्र रहेको प्यूठानमा ५४.६२ प्रतिशत मत खसेको जिल्ला निर्वाचन कार्यालय तनहुँका प्रमुख हरि प्रसाद ढकालले जानकारी दिए।
यहाँ कुल २ लाख ४८ हजार ३ सय मतदाता रहेकोमा तनहुँ क्षेत्र न.१ मा ६२ हजार एक सय ३० र तनहुँ-२ मा ६८ हजार २ सय ८४ गरी एक लाख ३५ हजार चार सय १४ जनाले मतदान गरेको छ ।
रातीसम्म सबै मतदान केन्द्रबाट मतपेटिका आइपुग्ने बताउदै भोलि सोमबार बिहानबाट मतगणना सुरु गर्ने तयारी गरिएको प्रमुख ढकालले बताए ।
तनहुँ क्षेत्र न.१को जिल्ला समनव्य समितीको कार्यालय दमौलीमा र तनहुँ-२ को शुक्लागण्डकी नगरपालिकामा मतगणना हुनेछ ।
यो खबर पढेर तपाईलाई कस्तो महसुस भयो ?