व्यास नगरपालिका वडा न १४ केशवटार माध्यमिक बिद्यालयमा नयाँ विद्यालय व्यवस्थापन समिति गठन भएको छ । विद्यालयको प्राङ्गण सोमबार बसेको अभिभावक भेलाले सर्वसम्मत रुपमा राम आले अध्यक्ष चयन भएका छन भने उनको अध्यक्षतामा नयाँ सदस्यहरु गठन गरेको छ । उक्त समितिको सदस्यहरुमा भोज बहादुर आले, पुण्य प्रसाद भट्टराई, भगवती अधिकारी, ऋषिराम परियार , यमलाल थापा र दुर्गा बहादुर आले चयन भएको केशवटार माध्यमिक विद्यालयका प्रधानाध्यापक दुर्गा आलेले जानकरी दिए। आलेको अनुसार आज बसेको अभिभावक भेलाले शिक्षक अभिभावक सघंको समेत गठन भएको छ भने सर्वसम्मत रुपमा कुमार थापा अध्यक्ष चयन भएका छन । तेस्तै सदस्यहरुमा भने लेख बहादुर आले, पूर्ण बहादुर राना,बिष्णु माया भट्टराई र रेणु आले चयन भएको जानकरी दिए ।
विद्यालयको तदर्थ समितिका अध्यक्ष एबं व्यास नगरपालिका वडा न . १४ का वडा अध्यक्ष काजिमान श्रेष्ठको सभापतित्वमा सम्पन्न उक्त कार्यक्रममा ब्यास नगरपालिका शिक्षा शाखा संयोजक नबिन पराजुलीको उपस्थिति रहेको थियो । कार्यक्रममा विद्यालयका प्रधानाध्यापक दुर्गा आलेले एस.ई.ई दिएर बसेका विद्यार्थीहरुलाई बधाई दिदै अब कक्षा ११ मा नया भर्ना खुलेको पनि जानकारी गराए । उक्त विद्यालयमा शिक्षा संकाय र व्यवस्थापन संकायको नया व्यवस्थापनका साथ भर्ना संचालन भैरहेको छ भने सबै अभिभावकहरुले पनि बिद्यार्थी भर्नामा सहयोग गरिदिनु हुन अपिल समेत गरेका छन् । ”यस विद्यालयमा लामो समय देखी सबैले रगत र पसिना बगाएका छन तेस्लाई मुल्यांकन गर्दै बिद्यालयको उन्नति र प्रगति गर्न सबैको साथ चाहिने” उनले भने ।
विद्यालय व्यवस्थापन समिति नव गठित अध्यक्ष राम आलेले आफ्नो उदेश्य प्रस्ट पर्दै अवको योजना विद्यालय व्यवस्थापनमा साथ दिदै शैक्षिक पाटोमा सुधार र मर्यादित बनाउनेमा आफ्नो प्रतिबद्धता रहेको बताए । तेस्तै शिक्षक अभिभावक सघंको नव गठित अध्यक्ष कुमार थापाले पनि सस्थांलाई सु-संगठित बनाउने आफ्नो योजना र उदेश्यलाई प्रतिबद्धताका साथ काम गर्ने जनाए ।
यो खबर पढेर तपाईलाई कस्तो महसुस भयो ?