नेकपा (माओवादी केन्द्र)को युवा संगठन योङ कम्युनिष्ट लिग (वाईसीएल) नेपालले २३१ सदस्यीय केन्द्रीय समिति चयन गरेको छ ।
मंगलबार सम्पन्न राष्ट्रिय भेलाले २३१ सदस्यीय केन्द्रीय समिति चयन गरेको हो । राष्ट्रिय सम्मेलनबाट तनहुँका दुईजना केन्द्रीय सदस्यमा चयन भएको छ जस्मा ईश्वर बस्याल र शरण सपकोटा रहेका छन् ।सापकोटा यसअघि केन्द्रीय सदस्य थिए भने बस्याल तनहुँ जिल्लाका अध्यक्ष रहेको थिए।
भेलाले अध्यक्षसहितका पदाधिकारीको चयन गर्ने जिम्मेवारी भने नयाँ केन्द्रीय समितिलाई नै दिएको छ । केन्द्रीय समितिको बैठकले पदाधिकारी चयन गर्ने वाईसीएलका इन्चार्ज रामप्रसाद सापकोटा ‘दीपशिखा’ले जानकारी दिए ।
गत शनिबारबाट शुरु भएको वाईसीएलको राष्ट्रिय भेलामा अध्यक्ष पदका लागि सुवोध श्रीपाइली, सुमन देवकोटा र यशोदा न्यौपानेले दाबी गरेका छन् । तर सहमति जुटाउन नसकेपछि केन्द्रीय समितिले नै पदाधिकारी चयन गर्ने गरी नयाँ केन्द्रीय कार्य समिति राष्ट्रिय भेलाले चयन गरिएको हो ।
यो खबर पढेर तपाईलाई कस्तो महसुस भयो ?