मकवानपुरमा जंगली हात्तीको आक्रमणबाट वृद्धाको मृत्यु

हेटौंडा : पर्सा राष्ट्रिय निकुञ्ज क्षेत्रमा जंगली हात्तीको आक्रमणमा गम्भीर घाइते भएकी मकवानपुरको मनहरी-४ वनकरिया टोलकी ६४ वर्षीया राधा अधिकारीको उपचारको क्रममा मृत्यु भएको छ ।

सोमबार बिहान घर नजिकै बसिरहेको अवस्थामा उनलाई जंगली हात्तीले आक्रमण गरेको थियो ।

उनलाई हेटौंडास्थित चुरेहिल अस्पतालमा उपचार लागि ल्याइएकोमा थप उपचारको लागि आजै दिउँसो चितवनको नयाँ मेडिकल कलेज रिफर गरिएको थियो ।

हात्ती आक्रमणकै कारण वृद्धा गम्भीर घाइते भएसँगै आक्रोसित बनेका स्थानीयहरुले गाउँपालिकामा रहेको निकुञ्ज क्षेत्रको चेकपोष्टमा तोडफोड गरेका थिए ।

निकुञ्जले हात्ती नियन्त्रणमा लिन नसकेको भन्दै आक्रोसित बनेका स्थानीयले निकुञ्जको ना १ झ ९८८ नम्बरको जिप तोडफोड गरेका थिए ।