दमौलीको क्यूएफएक्समा आजबाट सुरक्षाको ‘बहाव’ रिलिज हुने

दमौली : फ्राइडे रिलिज अन्तर्गत आजबाट नेपाली कथानक चलचित्र ‘बहाव’ रिलिज भएको छ । प्रमोद कँडेलको निर्देशन रहेको चलचित्र ‘बहाव’ आजबाट रिलिज भएको हो ।

सुरक्षा पन्त र कमलमणि नेपाल मुख्य भूमिकामा रहेको चलचित्रका लेखक पनि निर्देशक स्वयं हुन् । चलचित्रलाई देशकै ठूलो मल्टिप्लेक्स चेन क्यूएफएक्सका साथै दमौलीमा रहेको क्यूएफएक्स सिनेमा घरमा पनि रहेको छ ।

फागुन १९ गते रिलिज भएको सिनेमा ‘छक्का पञ्जा–४’ले अझै पनि राम्रो शोज पाइरहेको छ । आज यो सिनेमाले क्यूएफएक्स चेनमा २० शोज पाएको छ ।

आजैबाट रिलिज हुने भनिएको ‘प्रसाद–२’ भने निर्माताबीचको विवादका कारण प्रदर्शन हुन सकेन । उच्च अदालत पाटनले तत्काल सिनेमा नचलाउन अन्तरिम आदेश दिएपछि सिनेमा प्रदर्शन हुन नसकेको हो ।

यो खबर पढेर तपाईलाई कस्तो महसुस भयो ?