दमौली : तनहुँको व्यास नगरपालिका -१ भादगाउँ स्थित आदिकवि भानुभक्त क्याम्पसका तीन जना प्राध्यापक सम्मानित भएका छन् । सम्मानित हुनेहरूमा डा. रामकुमार अधिकारी, सागर पौडेल र जनक काफ्ले रहेका छन् ।
शुक्रबार त्रिवि स्मृति भवनमा आयोजित नेपाल पब्लिक क्याम्पस संघको १४औं राष्ट्रिय महाधिवेशनमा विद्याबारिधि र दर्शानाचार्य उपाधि प्राप्त गर्ने सामुदायिक क्याम्पसमा प्राध्यापनरत पूर्णकालिन प्राध्यापकहरुलाई सम्मान गर्ने कार्यक्रममा उनीहरु सम्मानित भएका हुन् ।
सम्मानित डा. रामकुमार अधिकारी र सागर पौडेल सहायक क्याम्पस प्रमुख हुन् भने काफ्ले व्यवस्थान संकायमा अध्यापन गराउदै आएका छन् ।
उक्त सम्मानित कार्यक्रममा क्याम्पस प्रमुख महा प्रसाद हड्खले, पब्लिक क्याम्पस संघका केन्द्रीय सदस्य बिमल गिरी, क्याम्पस इकाई समितिका सभापति विजयराज खनाल लगायत उपस्थित रहेको थियो ।
यो खबर पढेर तपाईलाई कस्तो महसुस भयो ?