व्यास नगरपालिका वडा नं. १४ केशवटारमा प्रथम तरुण कप २०७८ गाउँ स्तरीय पुरुष भलिबल प्रतियोगिता सुरु भएको छ । नेपाल तरुण व्यास-१४ को आयोजनामा आज बुधबार देखि केशवटारमा प्रथम तरुण दल कप पुरुष भलिबल प्रतियोगीता शुरु भएको हो ।
व्यास-१४ का तरुण दल अध्यक्ष कर्ण सिं थापाको अध्यक्षता तथा व्यास नगरपलिका-१४ का वडा अध्यक्ष काजिमान श्रेष्ठको प्रमुख आतिथ्यमा शुरु भएको प्रतियोगिताको उद्घाटन सत्रमा नेपाली कांग्रेस व्यास-१४ का सभापति, नारी माया राना, उप-सभापति बाबु काजी श्रेष्ठ,नेपाली काङ्ग्रेस व्यास १४ का क्षेत्रीय प्रतिनिधिहरु युवराज सु. पदम बहादुर थापा,रबिन्द्र बराकोटी,नेपाली काङ्ग्रेसका व्यास १४ का कार्य समितिहरु,वडा सदस्य रिकेस थापा, केशवटार मा.वि का पुर्ब प्र.अ दुर्गा बहादुर आले विभिन्न टोलका समंयोजकहरु,युवा क्लबका अध्यक्षहरु लगाएतका अन्य अतिथिहरुको उपस्तिथि रहेको थियो ।
बुधबारदेखि शुरु भएको भलिबल प्रतियोगिता शुक्रवारसम्म चल्ने छ । प्रतियोगितामा प्रथम हुने टिमका खेलाडीहरुलाई पचास हजार मेडल र प्रमाण पत्र पाउने छन भने द्वितीय र तृतीय हुने टिमका खेलाडीहरुलाई क्रमश तीस हजार र पन्ध्र हजार मेडल तथा प्रमाणपत्र प्रदान गरिनेछ साथै बेस्ट खेलाडीलाई समेत दुई हजार पाँच सय का साथमा मेडल र प्रमाण पत्र प्रदान गरिने आयोजक नेपाल तरुण दल व्यास १४ का उप-सभापति धन बहादुर थापाले जानकारी दिएका छन् ।
यो खबर पढेर तपाईलाई कस्तो महसुस भयो ?