भिरबाट लडेर देवघाटमा ७७ वर्षीय वृद्धको मृत्यु

दमौली : तनहुँको  देवघाट गाउँपालिका–५ साउने पानीको भिरबाट लडेर एक वृद्धको ज्यान गएको छ ।

सोही वडाको माथिल्लो बगन्दी बस्ने ७७ वर्षीय आशबहादुर गुरुङको ज्यान गएको जिल्ला प्रहरी कार्यालयका प्रहरी नायब उपरिक्षक मोहनबहादुर खाँणले जानकारी दिए।

निज भिरबाट अन्दाजी दुई सय मिटर तल मृत अवस्थामा फेला परेको प्रहरी नायब उपरिक्षक खाँणले बताए ।
गुरुङ सोमबार आफन्तको छेवरमा गएकामा घर नआएपछि खोजतलास गर्ने क्रममा मङ्लबार भिरबाट खसेको अवस्थामा मृत फेला परेको तनहुँ प्रहरीले जनाएको छ ।

घटनाबारे थप अनुसन्धान भइरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?