काठमाडौं : नेपाली कांग्रेसको १४ औं महाधिवेशनमा नयाँ नेतृत्व चयन हुनका लागि निर्वाचन कार्यक्रम सार्वजनिक गरिएको छ ।
निर्वाचन समितिले सार्वजनिक गरेको निर्वाचन कार्यतालिका अनुसार नेतृत्व चयनका लागि मंसिर २७ गते मतदान हुनेछ । त्यसअघि महाधिवेशन प्रतिनिधिको अन्तिम नामावली प्रकाशन मंसिर २४ गते बिहान १० बजे हुनेछ भने उम्मेदवारहरुको मनोनयन दर्ता गर्नका लागि मंसिर २५ गते बिहान १० देखि ५ बजेसम्मको समय पाउने निर्वाचन समितिले जनाएको छ ।
यस्तै कार्यतालिकामा दावी विरोधको लागि मंसिर २५ गते बेलुका ७ देखि ९ बजेसम्म राखिएको छ भने उम्मेदवारको पहिलो नामावली प्रकाशनको समय मंसिर २५ गते राति ९ देखि १२ बजेसम्म तोकिएको छ ।
यो खबर पढेर तपाईलाई कस्तो महसुस भयो ?