दमौली : लायन्स क्लब अफ तनहुँ दमौलीले अंग्रेजी नयाँ वर्षमा ‘न्यु इयर इभ लाइभ कन्सर्ट २०२१ ’ गर्ने भएको छ । क्लबले दमौलीको तरकारी लाईनमा संचालन गर्दै आएको ”लायन्स कपडा बैंक”लाई सहयोग पुग्ने हेतुले कार्यक्रम गर्न लागिएको क्लबका अध्यक्ष राजु रानाले जानकारी दिए।
अंग्रेजी नयाँ २०२२ को अघिल्लो दिन साँझ दमौली स्थित अनसनचौतारीको खुल्ला मैदान(दमौली सेन्टर पार्क)मा हुने कन्सर्टमा गायक सोनाम तोप्देन, द फ्रिक स्टिट व्याण्ड, गायिका रचना रिमाल, गायिका शोभा त्रिपाठी, लाइभ डीजे र स्थानीय व्याण्डको प्रस्तुति हुने आयोजकले जनाएको छ ।
३ लाख मुनाफा कमाउने उद्धेश्य रहेको कन्सर्टमा करिब २ हजार जनाको उपस्थित हुने अनुमान गरेको छ भने टिकट ५ सय रुपैयाँ तोकेको क्लबका अध्यक्ष रानाले बताए।
कपडा बैंकलाई सहयोग संगै तनहुँलाई पर्यटकीय गतव्य बनाउने र स्थानीय कलाकार र संस्कृतिलाई प्रोत्सहान गर्ने कार्यक्रमको उद्देश्य रहेको क्लबले जनाएको छ ।
यो खबर पढेर तपाईलाई कस्तो महसुस भयो ?