काठमाडौं : क्रान्तिकारी कम्युनिष्ट पार्टी नेपालका महासचिव मोहन वैद्य किरणको स्वास्थ्यमा थप समस्या देखिएको छ ।
२ हप्तादेखि त्रिवि शिक्षण अस्पतालमा उपचाररत वैद्यको स्वास्थ्यमा थप समस्या देखिएपछि आईसीयूमा सारिएको उपचारमा संलग्न चिकित्सकले जानकारी दिए ।
सुरेश वाग्ले क्यान्सर सेन्टर भवनमा रहेको नयाँ आईसीयूमा उनको उपचार भइरहेको बताइएको छ । उनलाई छातीमा संक्रमण र दमको समस्या छ ।
आइतबार दिउँसोबाट उनको श्वासप्रश्वासमा केही सुधार भएको चिकित्सकले बताएका छन् ।
यो खबर पढेर तपाईलाई कस्तो महसुस भयो ?