दमौली :पृथ्वी राजमार्ग अन्तर्गत तनहुँको दमौली–डुम्रे सडक खण्डमा ट्रक र मोटरसाइकल ठोक्किंदा दुई जनाको मृत्यु भएको छ ।
दुर्घटनामा मोटरसाइकलमा चढेका तनहुँको व्यास नगरपालिका–५ साँघेका विकास विक र अनिल बाचेमगर को मृत्यु भएको जिल्ला प्रहरी कार्यालय तनहुँका प्रवक्ता युवराज खड्काले जानकारी दिए । उनीहरु सवार ग १८ प ९२२५ नम्बरको मोटरसाइकल र लु १ ख ९८३२ नम्बरको ट्रक गएराति तनहुँको व्यासनगरपालिका वडा नं. १२ स्थित बेल भञ्ज्याङमा ठोक्किएका थिए ।
मृतकहरुको शव दमौली अस्पतालमा राखिएको, ट्रक र चालक प्रहरी नियन्त्रणमा लिई आवश्यक अनुसन्धान भैरहेको जिल्ला प्रहरी कार्यालय तनहूँका प्रहरी नायव उपरीक्षक खड्काले जनाएको छ ।
यो खबर पढेर तपाईलाई कस्तो महसुस भयो ?