जीप र स्कुटर ठोक्किंदा १ जनाको मृत्यु

दमौली :पृथ्वी राजमार्ग अन्तर्गत तनहुँको म्याग्दे -१ बरचौरमा  बलेरो जीप  र स्कुटर  ठोक्किंदा एक जनाको मृत्यु भएको छ ।दुर्घटनामा स्कुटरमा सवार तनहुँको म्याग्दे -१ तल्लो गुणादी निवासी  ४० वर्षिय मनोज खनालको मृत्यु भएको जिल्ला प्रहरी कार्यालय तनहुँका प्रवक्ता युवराज खड्काले जानकारी दिए ।

घाइते भई उपचारका लागि दमौली अस्पतालमा लगिएका ४० वर्षिय खनालको उपचारकै क्रममा ज्यान गएको प्रहरीले जनाएको छ ।

मृतक  सवार ग ७ प ५८२६ नम्बर नम्बरको स्कुटर र ग २ च ७४७४ नम्बरको बलेरो जीप आइतबार साँझ  तनहुँको म्याग्दे- १ बरचौरमा ठोक्किएका थिए ।मृतकहरुको शव दमौली अस्पतालमा राखिएको, जीप  र चालक प्रहरी नियन्त्रणमा लिई आवश्यक अनुसन्धान भैरहेको जिल्ला प्रहरी कार्यालय तनहूँका प्रहरी नायव उपरीक्षक खड्काले बताए  ।