दमौली : नेपाली कांग्रेसका वरिष्ठ नेता रामचन्द्र पौडेलले पार्टीमा तरुण युवाको भूमिका महत्वपूर्ण रहेको बताए । नेपाल तरुण दल जिल्ला कार्य समिति तनहुँले बुधवार आयोजना गरेको आगामी निर्वाचनमा तरुण दल तनहुँको भूमिका भन्ने शिर्षकमा अन्तरक्रियात्मक गोष्ठी कार्यक्रमलाई सम्बोधन गर्दै पौडेलले युवा शक्तिकै कारण पार्टी बलियो हुने बताएका हुन् ।
नजिकिँदै गरेको स्थानीय तहको निर्वाचनमा कांग्रेसलाई जिताउन युवाहरू एकजुट भएर लाग्नुपर्नेमा वरिष्ठ नेता पौडेलको जोड थियो । “युवा भनेका कांग्रेसको मेरुदण्ड हो, युवाहरू कांग्रेसलाई जिताउन एक भएर लाग्नुपर्छ”, उनले भने । कांग्रेसले जितेमात्रै देशको विकास सम्भव रहेको उनको जिकिर थियो ।
केन्द्रीय सदस्य शङ्कर भण्डारीले तनहुँको विकासका निमित्त कांग्रेसले जित्नुपर्ने धारणा राखेका थियो । केन्द्रीय सदस्य ध्रुव वाग्ले विधानअनुसार पार्टीले निर्वाचनको टिकट दिने भएकाले कोही व्यक्तिको पछाडि लाग्नुको औचित्य नभएको प्रष्ट परे । साथै उक्त कार्यक्रम ,केन्द्रीय सदस्य प्रदिप पौडेल ,निवर्तमान जिल्ला सभापति वैकुण्ठ न्यौपाने , पुर्व जिल्ला सभापति रघुनाथ पौडेल ,आफ्नो मन्तव्य राखेको थिए ।
यो खबर पढेर तपाईलाई कस्तो महसुस भयो ?