सबिन राईले तताए दमौली

दमौली : तनहुँ उद्योग वाणिज्य संघले आयोजना गरेको आठौं तनहुँ महोत्सवमा स्टेज पफर्मर किङ्गको रुपमा परिचित सबिन राईले बिहिवार साँझ दमौली तताएको छ । लकडाउनको कारण लामो समय देखि सांगितिक कार्यक्रम नभएको खडेरीलाई तोड्दै तनहुँका दर्शकलाई राईले उफारेका हुन् ।

राईले आफ्नो टिम द फ्यारोको साथमा दमौलीमा जारी तनहुँ महोत्सवमा  लाइभ प्रस्तुति मार्फत उपस्थित दर्शकहरुलाई मनोरञ्जन दिलाएका हुन् । उनले नयाँ र पुरानो गरि आफ्ना डेढ दर्जन गीतहरु प्रस्तुत गरेका थिए । 

अत्यधिक दर्शकको उपस्थितिको कारण  गेट बन्द गरे पनि राईका प्रस्तुति सुरु भइसक्दा समेत प्रवेशको लागि दर्शकहरुको गेटमा घुइचो लागेको थियो । राईको प्रस्तुति अघि देखि नै दर्शकले सबिन राईको नाम लिदै महोत्सवलाई गुञ्जयमान बनाएका थिए ।

साढे आठ बजे देखि १० बजे सम्म प्रस्तुति दिएको सबिन राईको हरेक प्रस्तुतिमा दर्शकले संगै गाएर साथ दिनुका साथै प्रस्तुति सके पछि पनि लामो समय दर्शकले सविन राईको नाम लिदै हुटिङ्ग गरेका थिए ।