दमाैली : तनहुँको शुक्लागण्डकी नगरपालिका–७ शेरामा मङ्गलबार दिउँसो सवारी दुर्घटना हुँदा १५ जना घाइते भएका छन् । दमौलीबाट खैरेनीटारतर्फ जाँदै गरेको यात्रुवाहक बस र विपरित दिशाबाट आउँदै गरेको बस एकआपसमा ठोक्किदा दुवै बसमा सवार १५ जना घाइते भएका हुन् ।
घाइतेहरुमा लमजुङ मध्यनेपाल नगरपालिका–५ बस्ने ५० वर्षीय लक्ष्मण रायमाझी,शुक्लागण्डकी नगरपालिका–४ बस्ने ३२ वर्षीय राज परियार ,व्यास नगरपालिका–६ बस्ने ३६ वर्षीय अजय श्रेष्ठ, ललितपुर गोदावरी नगरपालिका–१ बस्ने ६२ वर्षीय राजकेशर कार्की, ६० वर्षीया रुपा कार्की, काभ्रेचौरी गाउँपालिका–३ बस्ने ३३ वर्षीय नरबहादुर श्रेष्ठ, व्यास नगरपालिका–६ बस्ने २७ वर्षीय दुर्गाबहादुर दुरा, व्यास नगरपालिका–१२ बस्ने ७१ वर्षीया पार्वती बराल, स्याङ्जा अर्जुनचौपारी गाउँपालिका–४ बस्ने २७ वर्षीया देवी विक, सोही ठाउँका ६ वर्षीय आशिष विक, व्यास नगरपालिका–६ बस्ने २० वर्षीया शर्मिला सुनार, म्याग्दे गाउँपालिका–३ बस्ने ३० वर्षीया सङ्गिता खड्का, व्यास नगरपालिका–६ बस्ने २५ वर्षीया हरिमाया आले, ३४ वर्षीया टङ्कमाया गुरुङ र भारत घर भई शुक्लागण्डकी नगरपालिका–५ बस्ने ३५ वर्षीया कृष्ण गुप्ता रहेका छन् ।
दमौलीबाट खैरेनीटार जाँदै गरेको ग १ ख ५९०० नम्बरको बस र खैरेनीटारबाट दमौली आउँदै गरेको बा ५ ख ५८१७ नम्बरको बस ठोक्किदा दुवै बसमा सवार १५ जना घाइते भएको प्रहरी नायब उपरिक्षक युवराज खड्काले जानकारी दिए ।
घाइतेमध्ये तीन जनालाई दमौलीस्थित रत्नहरि अस्पताल, १० जनालाई जिपी कोइराला श्वासप्रश्वास उपचार केन्द्र र दुई जनालाई थप उपचारका लागि पोखरा पठाइएको छ ।
यो खबर पढेर तपाईलाई कस्तो महसुस भयो ?