तनहुँ जिल्लामा आउँदो जेठ २२ गतेसम्म निषेधाज्ञा लम्बिएको छ । कोरोना सङ्क्रमण नियन्त्रण तथा रोकथामका लागि जेठ २२ गतेसम्म निषेधाज्ञा थपिएको हो ।
शुक्रबार (आज) बसेको जिल्ला कोभिड–१९ संकट व्यवस्थापन केन्द्र (डीसीसीएमसी) को बैठकले निषेधाज्ञा एक हप्ता थप्ने र निषेधाज्ञालाई थप कडाइ गर्ने निर्णय भएको सहायक प्रमुख जिल्ला अधिकारी चित्रांगत बरालले जानकारी दिए ।
तनहुँ जिल्लामा कोरोना भाइरसको सङ्क्रमण बढ्न थालेपछि अघिल्लो महिना २३ गतेदेखि ३१ गते राति १२ बजेसम्मका लागि निषेधाज्ञा जारी गरिएको थियो ।त्यसपछि फेरि निषेधाज्ञालाई थप १५ दिन लम्ब्याएको थियो ।
बिहिबार जिल्ला प्रशासन कार्यालयले निषेधाज्ञाको थप कडाइ गर्ने निर्देशन दिएको थियो ।
यो खबर पढेर तपाईलाई कस्तो महसुस भयो ?