नेपालले आज जिम्बावे ‘ए’ एकदिवसीय खेल खेल्दै – Damauli Online News
Skip

नेपालले आज जिम्बावे ‘ए’ एकदिवसीय खेल खेल्दै

काठमाडौँ :  नेपाली राष्ट्रिय क्रिकेट टिमले आज पाहुना टोली जिम्बावे ‘ए’विरुद्ध तेस्रो तथा अन्तिम एकदिवसीय खेल खेल्दैछ । टियु क्रिकेट मैदानमा खेल बिहान ९ः३० बजे सुरु हुनेछ ।

नेपाल आज जिम्बावेविरुद्ध जित निकाल्दै सिरिज जित्न चाहन्छ । तर, टेष्ट राष्ट्र जिम्बावेका अधिकांश खेलाडी समेटिएका ‘ए’ टोलीमाथि जित निकाल्न भने नेपाललाई सहज छैन ।

तीन एकदिवसिय सिरिज १–१ को बराबरीमा छ । पहिलो खेलमा जिम्बावे ए ३ विकेटले विजयी भएको थियो । दोस्रो खेलमा नेपालले ९ विकेटको जित हात पारेको थियो ।

यसअघि जिम्बावे ‘ए’ र नेपालबीच भएको तीन खेलको टी-ट्वान्टी सिरिज १-१ को बराबरीमा सकिएको थियो। आईसीसी पुरुष क्रिकेट विश्वकप लिग २ अन्तर्गत अमेरिकामा हुने त्रिदेशीय एकदिवसीय श्रंखलाको तयारीस्वरुप नेपाले अहिले घरेलु मैदानमा जिम्बाबे एसँग अभ्यास गरिरहेको हो ।

तस्बिर फाईल 

error: Content is protected !!