दमौली : तनहुँको व्यास नगरपालिका-१२ कमलबारीमा मोटरसाइकल र बलेरो ठोक्किँदा दुई जनाको मृत्यु भएको छ ।
मृत्यु हुने मकवानपुर हेटौडा म.न.पा.-१३ घर भइ हाल गजरमुखी प्रालिमा कार्यरत २६ वर्षका जयराम मोक्तान र पछाडी सवार मकवानपुर भिमफेदी गा.पा.-१ घर भइ गजरमुखीमै कार्यरत २३ वर्षका दिपेश गोलेलाई चिकित्सकले मृत घोषणा गरेको प्रहरीले जनाएको छ ।
पृथ्वी राजमार्ग अन्तगत डुम्रेबाट दमौलीतर्फ आउँदै गरेको बा ४३ प ३०२० नम्बरको मोटरसाइकललाई विपरीत दिशाबाट जाँदै गरेको ग ३ च ४१८२ नम्बरको बलेरोले ठक्कर दिँदा दुर्घटना भएको प्रहरीले जनाएको छ ।
दुवैको शव अस्पताल दमौलीमा रहेको पनि प्रहरीले जनाएको छ ।
यो खबर पढेर तपाईलाई कस्तो महसुस भयो ?