आज सुनकाे मूल्य ताेलाकाे एक लाख २३ हजार

दमौली : नेपाली सुनचाँदी बजारमा सुनको मूल्यले नयाँ रेकर्ड बनाएको छ । सुनचाँदी बजारमा आज छापावाल सुनको मूल्य प्रतितोला रु एक लाख २३ हजार निर्धारण गरिएकोे छ ।

अघिल्लो दिन प्रतितोला रु एक  लाख २१ हजारमा कारोबार भएको सुनको मूल्य आज प्रतितोला रु २ हजारले बढेर नयाँ बिन्दुमा पुगेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु १ लाख २२ हजार ४ सय कायम भएको छ । यसको मूल्य अघिल्लो दिन प्रतितोला रु एक लाख २० हजार ४ सय थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु ३५ ले बढेर रु १ हजार ४ सय ४५ तोकिएको महासङ्घले जनाएको छ ।

अन्तर्राष्ट्रिय बजारमा हाल सुन प्रतिऔँस २ हजार १ सय १५ डलर आसपास कारोबार भइरहेको छ ।