आदिवासी जनजाति अभियान्ताहरुका लागि प्रशिक्षक प्रशिक्षण तालिम दमौलीमा सुरु भएको छ । नेपाल आदिवासी जनजाति महासंघ जिल्ला समन्वय परिसद तनहुँको आयोजनामा यो तालिम आज शुक्रबारबाट सुरु भएको हो । व्यास नगरपालिकाको सहयोगमा सञ्चालित तालिम तिन दिनसम्म चल्ने छ ।
नेपाल आदिवासी जनजाति महासंघ जिल्ला समन्वय परिसद तनहुँकी अध्यक्ष बसुन्धरा घर्तीको अध्यक्षतामा आयोजित ३ दिने तालिममा प्रमुख आतिथि व्यास नगरपालिकाका प्रमुख वैकुण्ठ न्यौपानेले कार्यक्रमको उत्घाटन गरे |
तालिमको उद्घाटन गर्दै न्यौपानेले यो तालिमबाट आफ्नो मौलिक संस्कृति जोगाउनको लागि यस प्रकारको तालिम उपलब्धिमूलक हुने बताए |
कार्यक्रममा व्यास नगरपालिकाका प्रमुखप्रशासकिय अधिकृत डिल्लीराम सिग्देलले यो तालिम निकै उपलब्धिमूलक रहेको बताउँदै आदिवासी जनजातिका बिषयमा धेरै कुरा सिक्ने अवसर रहेको बताए |
३ दिने हुने यो प्रशिक्षक प्रशिक्षण तालिममा आदिवासी जनजाति र सस्कृति, राष्ट्रिय जनगणना र आदिवासी जनजाति ,आदिवासी जनजाति आन्दोलन,उपलब्धि र भावी रणनीति ,आदिवासी जनजाति सवाल, आदिवासी जनजाति र नेतृत्व विकास र सविधान,कानुनमा आदिवासी जनजाति सम्बन्धी व्यवस्था सम्बन्धीमा तालिमहरु हुने समन्वय परिसद तनहुँकी अध्यक्ष बसुन्धरा घर्तीले जानकारी दिइन् |
आदिवासी जनजाति महासंघ जिल्ला समन्वय परिसद तनहुँका उपाध्यक्ष सुजित हिराचनको स्वागतमा भएको उक्त कार्यक्रममा नन्दु थापा मगरले सञ्चालन गरेका थिए ।
यो खबर पढेर तपाईलाई कस्तो महसुस भयो ?