दमौली : तनहुँको व्यास नगरपालिका–१ भादगाउँस्थित आदिकवि भानुभक्त क्याम्पसको निमित्त क्याम्पस प्रमुखमा डा. राम कुमार अधिकारी नियुक्त भएका छन् । उनी यस क्याम्पसको सहायक क्याम्पस प्रमुख समेत हुन् ।
निवर्तमान क्याम्पस प्रमुख महाप्रसाद हड्खलेको समयावधि सकेपछि अधिकारीलाई निमित्त प्रमुखको जिम्मेवारी दिएको हो ।
निवर्तमान क्याम्पस प्रमुख हड्खलेको गत साउन मै समयावधि सके पनि संचालक समितिले थप ६ महिनाको लागि उनलाई नै प्रमुख जिम्मेवारी दिएका थिए।
आदिकवि भानुभक्त क्याम्पसमा क्याम्पस प्रमुखका लागि हालका निवर्तमान क्याम्पस प्रमुख महाप्रसाद हड्खले र पूर्व सहायक क्याम्पस प्रमुख आत्माराम वास्तोलाको दरखास्त परेको छ ।
क्याम्पस सञ्चालक समितिले केही दिन भित्र क्याम्पस प्रमुख चयन गर्ने तयारी गरेको छ ।
क्याम्पसमा व्यवस्थापन विषयमा कक्षा ११/१२, स्नातक तहमा बिबिएस र बिबिए र स्नातकोत्तर तहमा एमबिएस पढाइ हुँदै आइरहेको छ ।
हाल क्याम्पसमा करिब तीन हजार एक सय विद्यार्थी अध्ययनरत छन् । त्यसमध्ये ९० प्रतिशत विद्यार्थी ग्रामीण भेगका छन् भने १८ प्रतिशत विद्यार्थी दलित र ७० प्रतिशत विद्यार्थी विपन्न वर्गका छन् ।
यो खबर पढेर तपाईलाई कस्तो महसुस भयो ?