२४ घण्टामा ६४ संक्रमित थपिए

काठमाडौं : नेपालमा थप ६४ जनामा कोरोना संक्रमण पुष्टि भएको छ । पछिल्लो २४ घण्टामा एक हजार १७० वटा स्वाब नमुनाको परीक्षण गरिएकामा ६४ जनाको नतिजा ‘पोजिटिभ’ आएको हो ।

यो अवधिमा १६८ नमुनाको पीसीआर परीक्षण गर्दा ४१ र एक हजार दुई नमुनाको एन्टिजेन विधिबाट परीक्षण गर्दा २३ जनामा संक्रमण देखिएको छ ।

पछिल्लो २४ घण्टामा कोरोनाका कारण देशभर कसैको पनि मृत्यु पुष्टि भएको छैन । हालसम्म नेपालमा कोरोनाका कारण १२ हजार २० जनाको मृत्यु भएको छ ।

यो अवधिमा देशभर ५७ जना निको भएका छन् । योसँगै नेपालमा कोरोनामुक्त हुनेको संख्या नौ लाख ८९ हजार ३७३ पुगेको छ ।

हाल देशभर कोरोनाका सक्रिय संक्रमितको संख्या ३५७ रहेको स्वास्थ्य तथा जनसंख्या मन्त्रालयले शनिबार जनाएको छ ।