गुल्मी : गुल्मीको मुसिकोट नगरपालिका वडा नं १ का वडाध्यक्ष मोहन घिमिरे मृत अवस्थामा भेटिएका छन् । शनिवार बिहान ४ बजेर २८ मिनेट जाँदा फेसबुकमा भावुक स्टाटस लेखेका थिए ।
उनले लेखेका थिए- परिस्थितिको चपेटामा परे पछि बाच्नुको अर्थ हुँदो रहेनछ। प्रिय अनिता: साथ निभाउन सकेन । मलाई माफ गरे। घर परिवार, साथीभाइ सुभ चिन्तक सबैसँग माफी चाहन्छु । अलबिदा ।
खाेजी गर्दा घिमिरे घर नजिकैको रुखमा झुन्डिएको अवस्थामा मृत भेटिएको हाे। शुक्रबार घरबाट निस्किएर रातभर घर नफर्किएका घिमिरे घर नजिकैको रुखमा झुन्डिएको अवस्थामा मृत भेटिएको जिल्ला प्रहरी कार्यालय गुल्मीले जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ। उनी गएकाे स्थानीय निर्वाचनमा नेपाली कांग्रेसबाट मुसिकाेट-१ काे वडाअध्यक्ष निर्वाचित भएका थिए। घिमिरे नेपाली कांग्रेस गुल्मी मुसिकोट नगरपालिका नगर कमिटीका अध्यक्षसमेत हुन् । युवा नेता घिमिरे सम्भावना बाेकेका स्थानिय नेता थिए ।
यो खबर पढेर तपाईलाई कस्तो महसुस भयो ?