दमौली : युवा रेडक्रस सर्कल आदिकविले तनहुँको व्यास १३ स्थित सिद्धवेनी आधारभुत विद्यालयका ३० जना छात्र, छात्राहरुलाई शौक्षिक सामग्री वितरण गरेको छ ।
बुधबार विश्व रेडक्रस दिवसको अवसरमा सर्कलले सिद्धवेनी आधारभुत विद्यालयका ३० जना छात्र, छात्राहरुलाई शौक्षिक सामग्री वितरण गरेको सर्कलका अध्यक्ष सुमन खड्काले जानकारी दिए ।
कार्यक्रममा क्याम्पस संचालक समितिका अध्यक्ष बुद्धिमान श्रेष्ठ, क्याम्पस प्रमुख महाप्रसाद हड्खले, आदिकवि भानुभक्त मा.वि. का अध्यक्ष ऋषिराम ढुङ्गना, सिद्धवेनी आधारभूत विद्यालयमा अध्यक्ष यम बहादुर थापा, प्र.अ. रोद्यन थापा, स्ववियु आदिकविका अध्यक्ष गौरव पन्थ लगायतले शुभकामना मन्तव्य राखेका थिए ।
कार्यक्रममा स्वागत मन्तव्य युरेस आदिकविका शिक्षक रुपक श्रेष्ठले राखेका थिए भने सञ्चालन युरेस सचिव मौसमी थापाले गरेके थिइन् ।
सन् १८६३ सालमा विश्वमा रेडक्रस अभियानको सूत्रपात गर्ने रेडक्रस अभियानका संस्थापक जँ हेनरी ड्युनाको जन्मदिनको अवसर पारेर हरेक वर्ष आजकै दिन रेडक्रस दिवस मनाइन्छ ।
यो खबर पढेर तपाईलाई कस्तो महसुस भयो ?