दमौली :पृथ्वी राजमार्ग अन्तर्गत दमौलीको बागबजारमा माईक्रोबस र मोटरसाईकल ठोक्किंदा दुई जना गम्भिर घाइते भएको छ ।दुर्घटनामा मोटरसाईकलमा सवार व्यास नगरपालिका वडा न- १० का १९ बर्षिय अर्जुन नेपाली र व्यास- १२ का २० बर्षिय मनोज नेपालीलाई गम्भिर चोट लागेको जिल्ला प्रहरी कार्यालय तनहुँका प्रवक्ता युवराज खड्काले जानकारी दिए ।
घाईतेहरुको उद्धार गरि तत्काल रत्नहरि अस्पताल लगिएकोमा दुवैको नाक, मुख र पेटमा चोट लागेकोले थप उपचारको लागि चरक अस्पताल पोखरा लगिएको छ ।
काठमाण्डौ बेनी चल्ने बा ३ ख ९५२९ नम्बरको माईक्रो र लु ९ प ३८२६ नम्बरको मोटरसाईकल एक आपसमा मंगलवार दिउँसो दमौलीको बागबजारमा ठोक्किएका थिए । माईक्रोबस र चालक प्रहरी नियन्त्रणमा लिई आवश्यक अनुसन्धान भैरहेको जिल्ला प्रहरी कार्यालय तनहूँका प्रहरी नायव उपरीक्षक खड्काले बताए ।
तस्बिर :- मदन तिमल्सिना
यो खबर पढेर तपाईलाई कस्तो महसुस भयो ?