दमौली : व्यास नगरपालिका वडा -२ मा रहेको सत्यवती मावि को “सत्यवती लालिगुराँस बाल क्लव ”द्वारा रगतदान कार्यक्रम आयोजना सम्पन्न गरेका छन् ।
हाल जिल्लामा रगतको माग धेरै रहेकाले यसको माग पूर्तिलाई मध्यनजर गर्दै रगतदान कार्यक्रम आयोजना गरेको बाल क्लव शिक्षक प्रतिनिधि राजेन्द्र प्रसाद पण्डितले जानकारी दिए । बिद्यालयको प्रांगणमा आज बुधवार आयोजना गरेको उक्त कार्यक्रममा २६ युनिट रगत संकलन भएको शिक्षक प्रतिनिधि पण्डितले बताए ।
बाल क्लवकाअध्यक्ष साजना कार्कीको अध्यक्षतामा भएको उक्त कार्यक्रममा व्यास नगरपालिकाका नगरप्रमुख बैकुण्ठनाथ न्यौपाने ,व्यास -२ का वडाध्यक्ष काशीराम श्रेष्ठ ,बिद्यालय व्यवस्थापन समितिका अध्यक्ष वरुण काफ्ले , प्र .अ एक बहादुर गुरुङ र संचारकर्मी तथा बि.व्य.स का सदस्य अमर राज नहर्की लगायतका शिक्षकहरुको उपस्थित रहेको थियो ।
यो खबर पढेर तपाईलाई कस्तो महसुस भयो ?