ताप्लेजुङ : फुङलिङमा रहेकाे कोप्चे बजारमा लागेकाे आगलागीमा परि एक जनाकाे ज्यान गएकाे छ । एक जना घाइते भएका छन् । आगलागीबाट दुई वटा घर जलेका छन् ।
आगलागीबाट घाइते भएकी मैवाखोला गाउँपालिका घर भइ रविन आङ्बुहानकाे घरमा डेरा गरी बस्ने ६७ वर्षीया वृद्धा जुलीमाया लिम्बुको जिल्ला अस्पताल ताप्लेजुङमा ज्यान गएकाे हाे । घाइते १६ वर्षीया रविना लिम्बुकाे उपचार भइरहेकाे प्रहरीले जनाएकाे छ । स्रोत का अनुसार आगलागीबाट सङ्गीता मादेनको घर पूर्णरूपमा जलेको छ भने रविन आङ्बुहानकाे घरमा आंशिक क्षति पुगेको छ ।
स्थानीयवासी, नेपाल प्रहरी, नेपाली सेना, सशस्त्र प्रहरी बलको सहयोगमा आगो निभाइएकाे छ । कोप्चे बजारमा बिहान ८ बजेदेखि आगलागी भएकाे थियाे।
तस्बिर उज्यालो अनलाइन
यो खबर पढेर तपाईलाई कस्तो महसुस भयो ?