दमौली : तनहुँ आँबुखैरेनी गाउँपालिका वडा नं. ४ स्थित बेनिटारमा मुग्लिन पुलजिपबाट सोमबार बिहान लागुऔषध सहित एक युवक पक्राउ गरेको छ ।
पक्राउ पर्नेमा सुनौलीबाट पोखरातर्फ आउँदै गरेको बसमा सवार रुपन्देही तिनाउ नगरपालिका वडा नं. ११ बस्ने २१ वर्षिय सागर कुवंर क्षेत्री रहेको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिए ।
चेकजांचको क्रममा क्षेत्रीले ल्याएको झोला भित्र लागु औषध डाईजेपामको शिशी १५० एम्पुल, फेनरागनको शिशी १५० एम्पुल र ब्रोनोरफोनको शिशी १५० एम्पुल गरी जम्मा ४५० एम्पुल लागू औषध फेला परेको प्रहरीले जनाएको छ ।
क्षेत्रीलाई उक्त लागूऔषध सहित नियन्त्रणमा लिई थप अनुसन्धान भईरेहेको जिल्ला प्रहरी कार्यालय तनहुँका प्रहरी नायव उपरीक्षक खड्काले जानकारी दिए ।
यो खबर पढेर तपाईलाई कस्तो महसुस भयो ?